Latgolys turisma nūzare ceļ trauksmi
04.06.2026 - 00:00
Latgolys turisma nūzare ceļ trauksmi. Regiona uzjiemieji ir uzrakstejuši atkluotu viestuli prezidentam i vaļdeibai, breidynojūt par nadrūšeibys izraiseitu krīzi piec vairuokim dronu gadīnim pīrūbežys regionā. Voi Latgola kliust par geopolitisku sprīdzis ekonomiskū upuri? Par pošreizejū situaceju turisma nūzarē runuosim ar Daugavpiļs piļsātys Turisma puorvaļdis vadeituoju Līgu Rudzīti-Besakirsku.
Vaicuosim uzjiemiejam Rolandam Keišam nu Kotiņu, kaidi ir golvonī izaicynuojumi dorbam pīrūbežys regionā. Voi investorus attur rūbežys tyvums i kur uzjiemieji var dabuot atbolstu? Par tū stuosteis Latvejis Investiceju i atteisteibys agenturys Latgolys regiona vadeituojs Andrejs Zelčs.
Radio raidejumu cikls “Pi myusu Latgolā” skan “Divu krastu radio” (90,1fm Daugavpils, 89,4 fm Rēzekne, 96,9 fm Jēkabpils).
Plašuoka auditoreja ar radejis puorraidem var īpasazeit ziņu portalūs www.rezekneszinas.lv, www.daugavpilszinas.lv.
Raidejuma veiduotuoju kontaktinformaceja: info@dkradio.lv voi pa telefonu 26550032.
Projektu finansej “Mediju atbalsta fonds” nu Latvijas valsts budžeta līdzekļim.
#SIF_MAF2026
Par raidejumu saturu atbild projekta eistynotuojs “Divu krastu radio”.
Citas programas
Apskatīt visus
Par uzjiemiejdarbeibys izaicynuojumim i Zemissardzis jaunū statusu
Raidejumā “Pi myusu Latgolā” turpynojam dagrīzt viereibu uzjiemiejdarbeibys veicynuošonai reģionā. Veikalūs nūpierkama Mežvidu tomatu raža, bet kaids ir degvīlys i cytu resursu izmoksu daauguma ispaids iz uzjiemiejdarbeibu, i kas byutu juomaina vaļsts atteisteibā? Par itim vaicuojumim runuosim ar Mežvydu lauksaimnīceibys i tehnologeju parka vadeituoju Edgaru Romanovski. Sovpus jaunais Zemissardzis atbaļsteituoja statuss dūmuots pīaugušajim Latvejis dzeivuotuojim, kuri deļ veseleibys ci cytu īmaslu navar dīnēt, bet gryb atbaļsteit Zemissardzi krīzis situacejuos i kasdīnā, stuosta Zemissardzis komanders, brigādis generals Aivars Krjukovs.
