Jaunais vuiceibu gods sūla izaicynuojumus
02.09.2025 - 00:00
Ir suocīs jaunais vuiceibu gods, bet Latvejis skūluos vys vēļ tryukst vysmoz 300 pedagogu. Kai Izgleiteibys i zynuotnis ministrejā nūruodeits, Latgolā situaceja nav tik kritiska kai Reigā i Pīreigā, kur vēļ tryukst vaira par 100 skūluotuoju. Tryukst ari skūlu direktoru. Latvejā breivys ir ap 10 direktoru vītom, nu tagadejūs vadeituoju 14,5% ir vacuoki par 65 godim. Vysvairuok ryska regioni ir Krauoslovys, Ludzys i Augšdaugovys nūvodi, kur vaira kai 60% skūlu direktoru tyvojās pensejis vacumam.
Rēzeknis nūvodā trešū vuiceibu godu direktora statusā suoce Verēmu pamatskūlys direktors Sandis Sprudzāns. Raudzeisim dazynuot, par latgaliskū skūlā, par skūluotuoju 21.godsymtā i mozūs skolu dzeivi niu i iz prīšku. Bet suokuos, kaids bie Sanda Sprudzāna ceļš leidz, kai jis pats uzver – prestižajam skūluotuoja, i puora godus vieļuok direktora omotam?
Gondrež ar pustyukstūša skūlānu jaunū vuiceibu godu uzsuoce ari direktore Ilze Valeniece, kurai itys ir ūtrais 1.septembris Viļānu vydusskūlys direktoris omotā.
Raidejums “Pi myusu Latgolā” skan ūtartdīnēs 15:30 stuņdēs, ar atkuortuojumim catūrtdīnēs 12:30 i sastdīnēs 16.30.
Tikom Latgolys kulturys pasuokumu apskotu var dzierdēt “Divu krastu radio” kotru catūrtdīni 14:30 stuņdēs. ar atkuortuojumim pīktdīnēs 8.30,;14:30; 19:30 stuņdēs. i sastdīnēs 9:30 .
Plašuoka auditoreja ar radejis puorraidem var īpasazeit ziņu portalūs www.rezekneszinas.lv, www.daugavpilszinas.lv.
Raidejuma veiduotuoju kontaktinformaceja: info@dkradio.lv voi pa telefonu 26550032.
Projektu finansej “Mediju atbalsta fonds” nu Latvijas valsts budžeta līdzekļim.
#SIF_MAF2025
Par raidejumu saturu atbild projekta eistynotuojs “Divu krastu radio”.
Citas programas
Apskatīt visus
Vaivode: "Mes gribam sataiseit Latgolys kardiologejis centru”
Vasals cylvāks ir Latvejis golvonuo vierteiba. I Daugavpiļs reģionaluo slimineica ir leluokais daudzprofilu veseleibys apryupis pakolpuojumu snīdziejs uorpus Reigys. "Mes gribam sataiseit Latgolys kardiologejis centru, tai kai mums ir gon specialisti, gon aparatura, i cīš dreiži mums itamā plānuotajā kardiologejis centrā dasavīnuos radiologs, kab varātu veikt sirds datortomografejis i magnetiskuos rezonansis izmekliešonys,”planavojūt nūdrūšynuot Latgolys dzeivuotuojim golvyspiļsātai leidzvierteigu veseleibys apryupis pakolpuojumu kluostu i kvalitati, stuosta Daugavpiļs reģionaluos slimineicys valdis prīkšsādātuoja Inta Vaivode, "I mes drūši viņ pretendēsim ari iz nīru centra statusu Latgalē, lai ari teņuok byutu lideri," dasoka DRS vadeituoja.
