Raidejumūs, informēsim par jaunumim Latgolā, volūdys i kulturviesturiskuo montuojuma saglobuošonu, uzjiemiejdarbeibu, kai ari diskutēsim par sabīdriski politiskim vaicuojumim i stuosteisim par cylvākim, kas dzeivoj i struodoj kūpā ar mums. 

Pyrmajā raidejumā sovu vīdūkli par plānu “Latvejas Austrumu pīrūbežas ekonomiskajai izaugsmei i drūšeibys stiprinuošanai” izsaceis Saeimas Latgolys apakškomisejas vadeituojs Edmunds Teirumnīks, bet kūpā ar Veroniku Dunduri diskutēsam par tū, kai pa  itim godim pasamainejs latgalīšu skotuvis runys konkurss “Vuolyudzāni”.

Radejis žurnals “Pi myusu Latgolā” sastuov nu diveju daļu - vīna par svareigom Latgolys   sabīdriski politiskom temom i kulturvidis saglobuošonu, a ūtra - par aktualim kulturys nūtykumim. 

Kulturys pasuokumu apskotu var dzierdēt “Divu krasti radejā” kotru catūrtdīni 14:30 stuņdēs. ar atkuortuojumim pīktdīnēs 8.30,;14:30; 19:30 stuņdēs. i sastdīnēs 9:30 .

Tikom raidejums “Pi myusu Latgolā”  skanēs ūtartdīnēs 15:30 stuņdēs. ar atkuortuojumim catūrtdīnēs 12:30 i sastdīnēs 16.30. 

Plašuoka auditoreja ar radejis puorraidem var īpasazeit ziņu portalūs www.rezekneszinas.lv, www.daugavpilszinas.lv. 

Raidejuma veiduotuoju kontaktinformaceja: info@dkradio.lv voi pa telefonu 26550032. 

Projektu finansej Mediju atbalsta fonds nu Latvijas valsts budžeta līdzekļim.

#SIF_MAF2025

Par raidejumu saturu atbild projekta eistenotuojs “Divu krastu radio”.